استشارات مجانية

abrazek كتب:

نحن في انتظار أي استشارة أو استفسار وسوف نجيب عنها في الحال

السلام عليكم
مشكلة مع التجنيد
تبدأ مشكلتى عندما حولت أوراقى من كلية الحقوق العام الماضى الى كلية
الاداب وبالفعل تم التحويل ودخلت امتحانات التيرم الأول وفى امتحانات
نهاية العام فوجئت بمنعى من دخول الامتحانات بحجة أن منطقة التجنيد رفضت
تأجيلى ،وعندما ذهبت لمنطقة التجنيد طبعا محدش فادنى وبعد ما خالونى
اسافرهم أكتر من مرة قالولى ملكش تجنيد لانك حولت مرتين بعد تجاوز اتنين
وعشرين سنة فهل هناك مادة فى القانون تفيد بذلك؟؟؟؟؟؟؟ مع العلم أن تاريخى
فى الكليات كالآنى
تم فصلى من كلية التجارة فى العام قبل الماضى لاستنفاد مرات الرسوب وقدمت أوراقى لكلية الحقوق وفى العام الماضى قمت بالتحويل
مع العلم أن عمرى الآن خمسة وعشرين عام فأرجوا أفادتى لان بصراحة انا فى
كارثة ومشكلة حقيقة ولا أعرف ماذا أفعل وما هو موقفى من التجنيد لان فى
منطقة التجنيد قالولى بكل برود تعالى اتجند
وإذا كان لابد من التجنيد فهناك استفسار أخر لى ثلاث أخوات وانا اكبرهم
وابويا طالع على المعاش من ست سنين ،واخويا عنده ثلاثة وعشرين سنة وده خلص
تجنيد واخويا اللى بعده دلوقتى فى التجنيد من شهرين فهل يحق لى الاعفاء
المؤقت بسبب تجنيد اخى؟؟؟
أرجوا افادتى فى اسرع وقت ومعذرة على الاطالة

المستشار كتب:

اعتقد انك لابد وان تحصل من الكلية على جواب يفيد انك مقيد بالكليه وتطلب من الكليه جواب تقدمه للتجنيد بالتاجيل يعنى الحكايه كلها فى الكليه هما اللى هيحلوا كل المشاكل دى وحكايه ان والدك على المعاش سيادتك تروح تعمل قيد عائلى وتقدمه فى منطقة التجنيد علىىانك الابن الاكبر والعائل الوحيد وسيادتك تاخد تاجيل بس دا طبعا مش دلوقتى دا بعد اما تشوف الكلية هتحلها ازاى. وانتظر ايضا رد استاذنا العظيم عبد الرازق فى هذا الموضوع وشكرا

متشكررررررررررر جداااا على الرد استاذى الفاضل انا بالفعل جبت اوراق من الكلية ورحت منطقة التجنيد وهناك بصراحة محدش فادنى سافرت ليهم ثلاث مرات وفى النهاية قالولى اتجند وانا عايز افهم هل فيه نص فى القانون يمنع التحويل بعد سن اتنين وعشرين سنة وانا معايا تأجيل العام الماضى من كلية الحقوق معايا تأجيل لسن تمانية وعشرين سنة فهل التأجيل ده بيتلغى مع التحويل؟؟؟؟؟؟
اقسم بالله انا بقالى اكتر من اربع شهور ما بين المركز اللى انا تابع ليه لمكتب التعبئة لمنطقة التجنيد والنهارده رحت المركز والمصيبة محدش فاهم حاجة يقولولى حالتك ناذرة ومش عارفين يعملوا معايا ايه حتى لو هتجند هتجند على اى اساسا على اساسا شهادة الثانوية ؟ ودى طبعا فى الكلية يعنى لو سحبتها يبقى طبعا بطلب سحب ورقى من الكلية بجد خلاص معنتش لاقى اى حل
وعذرا على الاطالة وارجوا الرد من سيادتكم

المستشار كتب:

لا اظن انه يوجد نص فى القانون يمنع التحويل فانت مازلت فى سن التعليم ولكن اذهب للكليه واطلب منهم جواب بانك مقيد بالكليه لتقدمه للتجنيد ثم سلم هذا الجواب الى منطقة التجنيد او بما انك مقيد بالكلية فلا تذهب الى منطقة التجنيد لانك مازالت مقيد بالكلية واحتفظ ببطاقة 6 جند معك اذا امرك احد بالتجنيد فاظهر له هذه البطاقه

سيدى الفاضل متشكر جداا على تجاوبك معى
اليومين اللى فاتوا انا عرفت اصل الموضوع لانى قابلت نائب مدير منطقة التجنيد وقابلت المسئول عن التجنيد داخل ادارة الجامعة وعرفت الاتى
ان فعلا مش من حقى التحويل اكتر من مرة بعد اتنين وعشرين سنة, بس مش معنى كده ان انا غلطان لان يعنى الموضوع دلوقتى
هو خطأ فادح من كلية الحقوق لانها حولتنى وانا ماليش تحويل اساسا وكمان خطأ من كلية الاداب انها قبلتنى
تصور سيدى الفاضل موظين مختصين ومش عارفين اللوائح ؟؟؟؟؟؟؟؟؟؟؟ يعنى دلوقتى انا مطلوب ادفع تمن اخطاء الموظفين وفعلا مش عارف اعمل ايه انا رحت المركز المختص بالتجنيد عندنا فى دمياط سالته سؤال مباشر هل انا دلوقتى متخلف عن التجنيد قالى لالالا قلتله لو عايز اتجند قالى تروح الكلية تجيب جواب فصل
ارجوا النصيحة من سيادتك ماذا افعل فانا فى حالة لا يرثى لها

االف الف شكر